Hərbi cinayətdə ittiham olunan əsgərin meyiti aylar sonra tapıldı

Hərbi cinayətdə ittiham olunan əsgərin meyiti aylar sonra tapıldı


Hərbi cinayət törətdikdən sonra xidmət yerini özbaşına tərk edən əsgərin meyiti tapılıb.


"Qafqazinfo"ya Müdafiə Nazirliyindən daxil olan məlumata görə, bu il yanvarın 5-i Sədərək rayonundan həqiqi hərbi xidmətə çağırılmış əsgər, 1998-ci il təvəllüdlü Cəlilbəyli Bəhrüz Pərviz oğlunun meyitinin Ermənistan-Azərbaycan dövlət sərhədinin Naxçıvan Muxtar Respublikasının Ordubad rayonu istiqamətindəki qoşunların təmas xəttində, Ermənistan silahlı qüvvələrinin mövqeləri yaxınlığında olduğu müəyyən edilib.

Qeyd edək ki, mediada Bəhrüz Cəlilbəylinin biri zabit olmaqla 3 hərbçini öldürdüyü barədə məlumat yayılmışdı. Ölənlər Siyəzən rayon sakini, zabit Nahid Qərib oğlu Abbasov, Qaradağ rayonu, Sahil qəsəbəsinin sakini Elvin Elşən oğlu Şərifli və Şərur rayon, Düdəngə kəndinin sakini, 1993-cü il doğumlu Vüsal Rafiq oğlu Ağayevdir.

Hadisənin sentyabr ayında baş verdiyi qeyd olunur.

Hərbi cinayətdə ittiham olunan əsgərin meyiti aylar sonra tapıldı
Bu xəbəri oxuyanlar aşağıdakı xəbərləridə oxuyub
 
Xəbər lenti