Gürcüstanla Rusiya razılığa gəldi

Gürcüstanla Rusiya razılığa gəldi


Gürcüstan və Rusiya qazın qiyməti ilə bağlı razılığa gəlib.

Gecce.az Modern.az-a istinadən xəbər verir ki, artıq Gürcüstan qazı 185 dollara alacaq.

Jurnalistlərə açıqlama verən Gürcüstanın Energetika naziri Kaxa Kaladze bildirib ki, “Qazprom”la Tiflisin Ermənistana tranzit olunan rus qazının monetizasiyası haqqında razılığa gəlinib: “Biz həmçinin tələbat yaranacağı təqdirdə əlavə həcmdə qaz alınması ilə bağlı razılaşmışıq. “Qazprom” belə olan halda bizə endirim edəcək. Bu qazı Rusiyadan 215 dollar əvəzinə artıq 185 dollara alacağıq. Müqaviləyə əsasən, Gürcüstanın Rusiya enerji daşıyıcılarından asılılığı artmır, sadəcə, ödəniş forması dəyişir. Bununla da biz Ermənistana tranzit olunan qazı pul kompensasiyası şəklində alacağıq. Tranzitin dəyərinə gəlincə, bu, Avropa ölkələri arasında ən yüksək məbləğlərdən biri olacaq”.

Qeyd edək ki, Tiflis 2016-cı il 31 dekabra qədər Ermənistana Rusiyadan gedən qazın ümumi həcminin 10%-ni tranzit qarşılığında əldə edirdi. Tiflis 2017-ci ildə də eyni şərtləri saxlamaq istəyirdi, ancaq Rusiya tranzitin qarşılığı olaraq pul təklifində israr edirdi.
Bu xəbəri oxuyanlar aşağıdakı xəbərləridə oxuyub
Smayliklərin xeyri

18.01.2017 / 23:55
 
Xəbər lenti